भुसावळ (प्रतिनिधी) : नवप्रवर्तक आंतरराष्ट्रीय मानवाधिकार एवं भ्रष्टाचार प्रतिबंधक संघटनेच्या वतीने दि. १३ मे रोजी भुसावळ येथे विशेष कार्यक्रमाचे आयोजन करण्यात आले. यावेळी भुसावळ तालुका जनसंपर्क कार्यालयाचे उद्घाटन तसेच नवीन कार्यकारिणीची घोषणा करण्यात आली.
संघटनेचे राष्ट्रीय अध्यक्ष शशिकांत दुसाने यांच्या आदेशानुसार आणि जळगाव जिल्हा उपाध्यक्ष विनोद शर्मा यांच्या अध्यक्षतेखाली भुसावळ तालुका संघटनेची नवीन कार्यकारिणी अधिकृतपणे गठीत करण्यात आली. यानंतर राजेंद्र रोड येथील भुसावळ तालुका जनसंपर्क कार्यालयाचे उद्घाटन राष्ट्रीय अध्यक्ष शशिकांत दुसाने यांच्या हस्ते उत्साहात पार पडले.
पदाधिकाऱ्यांना ओळखपत्रांचे वितरण
कार्यक्रमादरम्यान राष्ट्रीय अध्यक्ष शशिकांत दुसाने यांनी संघटनेच्या कार्यविस्ताराबाबत उपस्थितांना सखोल मार्गदर्शन केले. त्यानंतर भुसावळ तालुका संघटनेतील नवनियुक्त पदाधिकाऱ्यांना अधिकृत ओळखपत्रे (ID Cards) वितरित करून नियुक्ती प्रदान करण्यात आली.
भ्रष्टाचाराविरोधात लढण्याचे आवाहन
जळगाव जिल्हा उपाध्यक्ष सुरेखा तायडे यांनी उपस्थितांना संबोधित करताना समाजातील अन्याय, अत्याचार व भ्रष्टाचाराविरोधात कायदेशीर मार्गाने लढा देण्याची गरज अधोरेखित केली. मानवाधिकार संघटनेत कार्य करताना सामाजिक बांधिलकी जपत जनतेच्या समस्यांसाठी काम करण्याचे आवाहन त्यांनी केले.
कार्यक्रमाचे सूत्रसंचालन व सांगता
कार्यक्रमाचे सूत्रसंचालन भुसावळ तालुका कायदेशीर सल्लागार ॲड. वृषाली शिरनामे यांनी केले. आभार प्रदर्शन जळगाव जिल्हा उपाध्यक्ष विनोद शर्मा यांनी मानले. कार्यक्रमाची सांगता भुसावळ तालुका निरीक्षक जय प्रकाश शुक्ला यांनी केली.
मान्यवरांची उपस्थिती
या प्रसंगी संतोष अग्रवाल, ओमशंकर रायकवार, विजय सावदेकर, सुनिल ठाकूर, जे. बी. कोटेचा, कैलास डीडवानी, नितीन शर्मा, सिद्धेश शर्मा, नवीन शर्मा, कार्तिक शर्मा, दीपक शर्मा, ॲड. गोकुळ अग्रवाल, शुभम शर्मा, प्रा. प्रशांत शर्मा आदी पदाधिकारी व कार्यकर्ते मोठ्या संख्येने उपस्थित होते.
संघटनेच्या नव्या जनसंपर्क कार्यालयामुळे तालुक्यातील नागरिकांच्या तक्रारींचे निवारण अधिक प्रभावीपणे करता येईल, असा विश्वास संघटनेच्या पदाधिकाऱ्यांनी व्यक्त केला.
