भुसावळ (प्रतिनिधी) - विजयादशमी अर्थात दसऱ्याच्या मंगलमय पर्वानिमित्त राष्ट्रीय स्वयंसेवक संघाच्या वतीने भुसावळ शहरात प्रभात फेरी काढण्यात आली. या प्रभात फेरीत संघाचे स्वयंसेवक गणवेशात सहभागी झाले होते. विजयादशमी हा राष्ट्रीय स्वयंसेवक संघासाठी विशेष महत्त्वाचा दिवस मानला जातो. या दिवसाचे औचित्य साधून संघाच्या वतीने विविध उपक्रमांचे आयोजन केले जाते. त्याचाच एक भाग म्हणून भुसावळ शहरात प्रभात फेरी काढण्यात आली. शिस्तबद्ध पद्धतीने सहभागी झालेल्या स्वयंसेवकांमुळे शहरात उत्साहपूर्ण वातावरण निर्माण झाले. विजयादशमी हा सत्याचा असत्यावर आणि चांगुलपणाचा वाईट प्रवृत्तींवरील विजयाचे प्रतीक असलेला सण आहे. या पर्वाच्या माध्यमातून सामाजिक एकता, राष्ट्रप्रेम, शिस्त आणि सांस्कृतिक मूल्यांचा संदेश देण्यात येतो. भुसावळ शहरातील या प्रभात फेरीमुळे विजयादशमीच्या उत्सवात विशेष उत्साह पाहायला मिळाला.
