मुंबई – मध्य रेल्वेने आगामी सणासुदीच्या काळात प्रचंड गर्दी लक्षात घेऊन, निवडक प्रमुख स्थानकांवर प्लॅटफॉर्म तिकिटांच्या विक्रीवर तात्पुरते निर्बंध लागू केले आहेत. प्लॅटफॉर्मवरील गर्दीचे व्यवस्थापन करणे आणि स्टेशन परिसरात प्रवाशांची हालचाल सुरळीतपणे सुनिश्चित करणे हे याचे उद्दिष्ट आहे.
दिवाळी सण आणि छठ पूजेदरम्यान प्लॅटफॉर्म तिकीट विक्रीचे निर्बंध दि. ८ नोव्हेंबर २०२४ पर्यंत लागू आहेत.
खालील स्थानकांवर प्लॅटफॉर्म तिकीट विक्री प्रतिबंधित आहे:
*छत्रपती शिवाजी महाराज टर्मिनस
*दादर
*लोकमान्य टिळक टर्मिनस
*ठाणे
*कल्याण
*पुणे
*नागपूर
सूट:
ज्येष्ठ नागरिक आणि वैद्यकीय गरजा असलेल्यांना प्रवास सुलभ व्हावा यासाठी या निर्बंधांमधून सूट देण्यात आली आहे.
सणासुदीच्या काळात सुरळीत आणि सुरक्षित प्रवासाचा अनुभव घेण्यासाठी प्रवाशांनी त्यानुसार नियोजन करावे आणि नवीन नियमांचे पालन करावे अशी विनंती करण्यात येत आहे.
