जळगाव –
चक्क सरकारी वकीलानेच आरोपीला जामीन न मिळू न देण्यासाठी पाच हजारांची लाच मागितल्याचा धक्कादायक प्रकार जळगावात उघडकीस आला असून नाशिक एसीबीच्या पथकाने आरोपी विशेष सहाय्यक सरकारी अभियोक्ता राजेश साहेबराव गवई (50) यास अटक केली आहे . या कारवाईने लाचखोरांच्या गोटात खळबळ उडाली आहे.
रेल्वेच्या एका विभागात अधिकारी असलेल्या तक्रारदाराकडे सरकारी वकील अॅड.राजेश गवई यांनी वरणगाव पोलीस स्टेशन येथील दाखल गुन्ह्यात आरोपींना जामीनास विरोध करावा व तो मिळू नये याकरता तसेच सरकार तर्फे बाजू मांडण्यासाठी आलोसे यांनी तक्रारदार यांच्याकडे 9 एप्रिल रोजी लाच मागितली होती व ही लाच जळगाव येथील तापी पाटबंधारे कार्यालया समोरील रस्त्यावर स्वीकारल्यानंतर त्यांना अटक करण्यात आली.
हा सापळा नाशिक एसीबीचे पोलिस निरीक्षक प्रशांत सपकाळे, पोलिस निरीक्षक उज्ज्वलकुमार व्ही.पाटील, प्रकाश महाजन आदींनी यशस्वी केला.
