भुसावळ (प्रतिनिधी )-
येथील जामनेर रोडवरील पांडुरंग टॉकीज परीसरातील जे.जी. नागराणी यांच्या देशी दारु दुकानास जिल्हाधिकार्यांच्या आदेशानुसार येथील राज्य उत्पादन शुल्क विभागाच्या पथकाने कारणे दाखवा नोटीस बजावत सील लावल्याची कारवाई शुक्रवारी केली.
जानेवारी महिन्याच्या पहिल्या आठवड्यात राज्य उत्पादन शुल्क विभागाच्या राज्यस्तरीय पथकाने दारू दुकानांची तपासणी केली होती. शहरातील कांबडी बार म्हणून प्रचलित असलेल्या दुकानात पथकाने एमआरपीची केस केली होती. त्यानंतर याबाबतचा अहवाला जिल्हाधिकारी अभिजीत राऊत यांना सादर करण्यात आला होता. जिल्हाधिकार्यांनी दिलेल्या आदेशानंतर राज्य उत्पादन विभागाचे विभागीय निरीक्षक ईश्वर वाघ यांनी पथकासह नागराणी यांच्या कांबडी बार या मद्यविक्री दुकानाला शुक्रवारी सील लावले.
दुकान सील करण्यात आले असून एमआरपीसीची कारणे दाखवा नोटीस मिळाली आहे. याबाबती सुनावणी होईल त्यावेळी सदर नोटीसीला उत्तर देण्यात येईल.असे याकारवाई संदर्भात अशोक नागराणी यांनी सांगितले .
