भुसावळ (प्रतिनिधी )-
येथील कोरोनाचा प्रादुर्भाव लक्षात घेता पोलीस विभागाला शहरातील विविध भाग सील करावे लागत आहेत. त्यासाठी अत्यावश्यक असलेले बॅरिकेटसची कमतरता असल्याने व आज घडीला कंटेनमेंट झोनमध्ये लॉकडाऊनच्या नियमांचे अतिशय काटेकोरपणे पालन करण्याची गरज लक्षात घेऊन भुसावळ तालुका बिल्डिंग मटेरियल व्यापारी असोसिएशन यांच्यातर्फे महाराष्ट्र पोलीस, भुसावळ उपविभागाकडे २० बॅरिकेट्स उपविभागीय पोलीस अधिकारी गजानन राठोड व बाजारपेठ पोलीस ठाण्याचे पोलीस निरीक्षक दिलीप भागवत साहेब यांना सुपूर्द करण्यात आले. याप्रसंगी असोसिएशनचे अध्यक्ष विकास पाचपांडे, उपाध्यक्ष पंडित भिरूड,प्रिन्स गुजराल,मनोज अगीचा,संजय काळे,पवन ओगले,सतीश ओगले, दीपक पाटील आदी उपस्थित होते.
