प्रवाश्यांना दिलासा :१६ अतिरिक्त साप्ताहिक उन्हाळी विशेष ट्रेन धावणार :

प्रवाशांची अतिरिक्त गर्दी लक्षात घेऊन मध्य रेल्वेने १६ अतिरिक्त साप्ताहिक उन्हाळी विशेष ट्रेन चालवण्याचा निर्णय घेतला आहे.
यामध्ये छत्रपती शिवाजी महाराज टर्मिनस-करीमनगर साप्ताहिक विशेष (१६ फेऱ्या)

01067 साप्ताहिक विशेष गाडी दि. ०९.०४.२०२४ आणि दि. २८.०५.२०२४ पर्यंत दर मंगळवारी १५.३० वाजता छत्रपती शिवाजी महाराज टर्मिनस मुंबई येथून सुटेल आणि दुसऱ्या दिवशी ०८.३० वाजता करीमनगर येथे पोहोचेल. (८ फेऱ्या)

01068 साप्ताहिक विशेष गाडी दि. १०.०४.२०२४ आणि दि. २९.०५.२०२४ पर्यंत दर बुधवारी १९.०५ वाजता करीमनगर येथून सुटेल आणि दुसऱ्या दिवशी १३.४० वाजता छत्रपती शिवाजी महाराज टर्मिनस मुंबई येथे पोहोचेल. (८ फेऱ्या)

थांबे: दादर, ठाणे, कल्याण, इगतपुरी, नाशिक रोड, मनमाड, नागरसोल, औरंगाबाद, जालना, परतूर, सेलू, परभणी, पूर्णा, हुजूर साहेब नांदेड, मुदखेड, धर्माबाद, बासर, निजामाबाद, आर्मूर, मेटपल्ली आणि कोरूटला.

संरचना: एक वातानुकूलित द्वितीय, तीन वातानुकूलित तृतीय, ८ शयनयान आणि २ लगेज कम गार्ड ब्रेक व्हॅनसह ५ सेकंड सीटिंग.

आरक्षण: विशेष शुल्कावर उन्हाळी विशेष ट्रेन 01067 चे बुकिंग दि. ०८.०४.२०२४ रोजी सर्व संगणकीकृत आरक्षण केंद्रांवर आणि www.irctc.co.in या संकेतस्थळावर उघडेल.

विशेष गाड्यांच्या तपशीलवार थांबण्याच्या वेळेसाठी कृपया www.enquiry ला भेट द्या. Indianrail.gov.in ला भेट द्या किंवा एनटीईएस ॲप डाउनलोड करा.

प्रवाशांनी या उन्हाळी विशेष रेल्वे सेवांचा लाभ घ्यावा असे आवाहन रेल्वे प्रशासनाकडून करण्यात आले आहे.