भुसावळ (प्रतिनिधी) : शहरातील मुस्लिम कॉलनी परिसरातील 77 वर्षीय रमजान शहा बुढनशाह यांच्यावर कृष्णलीला हॉटेलजवळ एक अनोळखी इसमाने हल्ला करून 7,000 रुपये लुटल्याची घटना आज 9 मे रोजी दुपारी घडली.रमजान शहा हे ईनामुल हसन मशीदीत अजान देण्याचे काम करतात. त्यांना मासिक पगार स्वरूपात 5,000 रुपये मिळतात. आज त्यांनी मस्जिदीतून पगार घेतला आणि त्यात स्वतःजवळील 2,000 रुपये घेऊन बाजारासाठी बाहेर पडले. त्यानंतर त्यांनी स्टेट बँक ऑफ इंडियाच्या आनंद नगर शाखेतून ज्येष्ठ नागरिकांसाठी मिळणारी 3,000 रुपये पेंशन काढून ती पासबुकमध्ये जमा केली.
सुमारे दुपारी 4 वाजण्याच्या सुमारास ते बँकेतून बाहेर पडले असता, एका अंदाजे 30-35 वर्षीय, मजबूत शरीरयष्टीच्या, हिरव्या टी-शर्ट व तपकिरी नाईट पँट घातलेल्या अनोळखी व्यक्तीने त्यांचा पाठलाग केला. कृष्णलीला हॉटेलजवळ त्याने शहांवर अचानक हल्ला करत त्यांना मारहाण केली आणि बॅग हिसकावून घेत धमकी दिली की “किसी को बताया, तो मार डालूंगा.”या गोंधळात बॅग परत देताना आरोपीने बँकेचे पासबुक व पेंशनचे पैसे ठेवले, पण 7,000 रुपये चोरून नेले. घटनास्थळी उपस्थित काही लोकांनी हस्तक्षेप केला, पण आरोपीने त्यांनाही धमकावले.रमजान शहा यांनी दिलेल्या माहितीवरून भुसावळ पोलीस ठाण्यात तक्रार दाखल करण्यात आली आहे. संबंधित आरोपी ओळखीचा नसला तरी, पुन्हा समोर आल्यास ओळखू शकतो, असे शाह यांनी सांगितले आहे.
भुसावळ शहरात एका 77 वर्षीय वृद्ध व्यक्तीवर दिवसाढवळ्या लूट आणि मारहाणीचा प्रकार समोर आला आहे.रमजान शहा, हे ईनामुल हसन मशीद येथे अजान देण्याचे काम करत असून, त्यांचा उदरनिर्वाह फक्त 5,000 रुपयांवर चालतो.दिनांक 9 मे रोजी, त्यांनी मस्जिदीतून पगार घेतला आणि बाजारासाठी बाहेर पडले. स्टेट बँकेतील 3,000 रुपयांची पेंशन जमा करून बाहेर पडताच, एक अनोळखी इसम त्यांचा पाठलाग करू लागला.
कृष्णलीला हॉटेलजवळ त्याच इसमाने रमजान शहांवर हल्ला केला, मारहाण केली आणि 7,000 रुपये जबरदस्तीने लुटून घेतले.शहा यांनी पोलिसांत तक्रार दाखल केली असून, त्यांनी आरोपी पुन्हा दिसल्यास ओळखू शकतो, असे स्पष्ट केले आहे.भुसावळ पोलिसांनी या घटनेचा तपास सुरू केला असून, परिसरातील सीसीटीव्ही फुटेज तपासले जात आहेत. वरिष्ठ नागरिकांवरील वाढत्या अत्याचारांच्या पार्श्वभूमीवर ही घटना अधिकच चिंताजनक ठरत आहे.
