भुसावळ (प्रतिनिधी ) – रेल्वे कर्मचाऱ्यांच्या आरोग्य आणि कल्याणासाठी दिनांक २८.०२.२०२५ रोजी ‘रुद्र – हॉस्पिटल ऑन व्हील्स’ या उपक्रमाच्या माध्यमातून नांदगांव रेल्वे स्थानकावर वैद्यकीय शिबिराचे आयोजन करण्यात आले. दुर्गम भागांमध्ये राहणाऱ्या रेल्वे कर्मचाऱ्यांना आणि त्यांच्या कुटुंबीयांना सहज आणि दर्जेदार आरोग्य सेवा उपलब्ध करून देण्याच्या उद्देशाने हा उपक्रम राबविण्यात आलेला आहे. यामुळे कर्मचाऱ्यांना वैद्यकीय उपचारांसाठी लांब प्रवास करण्याची गरज टाळली जाऊ शकते.
या वैद्यकीय शिबिरात भुसावळ विभागातील तज्ज्ञ डॉक्टरांचा एक संघ उपस्थित होता. यामध्ये फिजिशियन, स्त्रीरोगतज्ज्ञ, बालरोगतज्ज्ञ, आणि शल्यचिकित्सक यांचा समावेश होता. एकूण २५७ लाभार्थ्यांची नोंदणी करण्यात आली, ज्यामध्ये रेल्वे कर्मचारी आणि त्यांचे कुटुंबीय सहभागी झाले.
शिबिरात विविध आरोग्य तपासण्या करण्यात आल्या. रक्तदाब तपासणी, ईसीजी, रक्त नमुना चाचण्या, तसेच सर्वसाधारण आरोग्य तपासणी यासह १४२ ईसीजी तपासण्या घेतल्या गेल्या, आणि १२० रक्त नमुने गोळा करण्यात आले. याशिवाय, मधुमेह आणि कोलेस्ट्रॉल तपासणी, स्त्रीरोग उपचार, बालरोग सल्ला, अस्थिरोग उपचार आणि शस्त्रक्रिया सल्ला यांसारख्या विविध वैद्यकीय सेवा उपलब्ध करण्यात आल्या.
रुद्र – हॉस्पिटल ऑन व्हील्स’ या उपक्रमाचा सुरुवात झाल्यापासून विविध ठिकाणी एकूण १,०९९ व्यक्तींना फायदा झाला आहे ज्यामध्ये विभिन्न ठिकाणी लाभार्थींची संख्या पुढीलप्रमाणे:
???? चाळीसगाव – २५९
???? मूर्तिजापूर – २९१
???? बुरहानपूर – ३०२
???? नांदगाव – २४७
‘रुद्र – हॉस्पिटल ऑन व्हील्स’ या उपक्रमाचा मुख्य उद्देश म्हणजे रेल्वे कर्मचाऱ्यांना आणि त्यांच्या कुटुंबीयांना त्यांच्या परिसरातच आवश्यक वैद्यकीय सेवा उपलब्ध करणे. यामुळे कर्मचार्यांच्या आरोग्याची आणि कल्याणाची स्थिती सुधारेल आणि त्यांना वैद्यकीय उपचारांसाठी लांब प्रवास करण्याची आवश्यकता कमी होईल.
