भुसावळ : येथील पालिकेचे माजी प्रभारी नगराध्यक्ष अनिल चौधरी यांच्या कन्या अॅड.नंदिनी यांची
प्रहार जनशक्ती पार्टीच्या महिला जिल्हाध्यक्षपदी निवड करण्यात आली.
यावेळी प्रहारचे प्रदेशाध्यक्ष अनिलजी गावंडे यांच्या हस्ते नंदिनी चौधरी यांना नियुक्तीपत्र देण्यात आले. प्रसंगी प्रदेशाध्यक्ष अनिल गावंडे म्हणाले की, प्रहार जनशक्ती पार्टीचा राज्यात संघटनात्मक विस्तार करून ‘सेवेतून राजकारण’ या पायावर राज्यातील विविध घटकांना पक्षाच्या मुख्य प्रवाहात जोडण्याचे दायीत्व आपल्याकडे देण्यात येत आहे. प्रहारचा आजवरचा नावलौकिक आणि सामान्य माणसाच्या कल्याणाचा हा लढा आपण पुढे नेण्यात यशस्वी व्हाल, असा आशावादही गावंडे यांनी व्यक्त केला.
