भुसावळ (प्रतिनिधी )-
मध्य रेल्वेने ‘आरोग्य सेतू’ मोबाइल अॅप डाऊनलोड करणारे सर्वाधिक कर्मचारी नोंदविले आहेत.
कोविड -१९ चा प्रसार रोखण्यासाठी भारत सरकारने सुरू केलेल्या “आरोग्य सेतु” मोबाइल अॅपने आपत्कालीन सेवांमध्ये कार्यव्यस्त मध्य रेल्वेच्या कर्मचार्यांना सामाजिक अंतर ( social distancing) राखण्यास मदत केली आहे.
मध्य रेल्वेने “रेल्वे परिवार देख-रेख मोहिम” सुरू केली आहे. प्रत्येक कर्मचार्यांशी संपर्क साधण्यासाठी आणि आपत्कालीन परिस्थितीत मदत मिळावी यासाठी त्यांच्या स्थानानुसार नकाशीत केले जात आहे. मध्य रेल्वेच्या सर्व रेल्वे कर्मचार्यांशी नियमित संपर्क साधणे, त्यांच्या आरोग्याच्या स्थितीची नोंद ठेवणे (कुटुंबातील सदस्यांसह), लॉकडाउन कालावधीत पुरेसे सहकार्य प्रदान करणे हे यामागील मुख्य हेतू आहेत.मध्य रेल्वेतील ९५ टक्क्याहून अधिक अधिकारी व कर्मचा-यांनी आधीच अॅप डाउनलोड केलेले आहे, जे भारतीय रेल्वेतील सर्व झोनमधील सर्वोच्च आहे. मध्य रेल्वेच्या सुमारे ९५ हजार (पंच्याण्णव हजार) कर्मचार्यांनी आरोग्य सेतू मोबाइल अॅप डाऊनलोड केले असून त्यामध्ये मुख्यालय कार्यालयातील सोळा हजारांहून अधिक, मुंबई विभागातील तीस हजारांहून अधिक, नागपूर विभागातील पंधरा हजाराहून अधिक, भुसावळ विभागातील चौदा हजाराहून अधिक तर पुणे आणि सोलापूर विभागातील प्रत्येकी नऊ हजारांहून अधिक समाविष्ट आहेत.
रेल्वेने आपल्या कर्मचार्यांची पूर्ण काळजी घेत कोविड -१९ चा मुकाबला करण्यासाठी हे सर्वात प्रभावी मोबाइल अॅप डाउनलोड करण्यासाठी कर्मचारी, अधिकारी, पेन्शनधारक आणि त्यांच्या कुटुंबियांना प्रोत्साहित केले आहे.
आरोग्य सेतू अॅप डाउनलोड करण्यामागील हेतू असा आहे की प्रत्येक जण फोनसह एकमेकांशी सतत संपर्कात असतात आणि त्यायोगे कोरोना व्हायरसचा प्रसार होतो. जोपर्यंत आपण आपले स्थान सामायिक करत राहू तोपर्यंत आरोग्य सेतु अॅप आपल्या परिसराचा मागोवा घेईल. आपण नकळत जरी संक्रमित व्यक्तीच्या अगदी जवळ आला तर हे अॅप एखाद्या अधिसूचनेसह आपल्याला सतर्क करते.
मध्य रेल्वे आपल्या देशाच्या गरजा भागविण्यासाठी फ्रेट आणि पार्सल ट्रेन यासारख्या अत्यावश्यक सेवा चालवित आहे. कंट्रोल, ऑपरेटिंग आणि वाणिज्य कार्यालय , गार्ड्स, लोको पायलट, स्टेशन मास्टर्स, यार्ड मास्टर्स, इतर संबंधित विविध देखभाल विभागातील बरेच कर्मचारी व अधिकारी या अत्यावश्यक सेवा चालविण्यासाठी चोवीस तास कार्यरत आहेत. त्यांच्या कर्तव्याच्या दरम्यान जेव्हा हे अनेक कर्मचारी आणि व्यक्तींना भेटतात तेव्हा कोरोना व्हायरसचा प्रसार रोखण्यासाठी कॉन्टॅक्ट ट्रेसिंग सोल्यूशन म्हणून हा अॅप संसर्गाची शृंखला मोडतो. जास्तीत जास्त लोकांनी अॅप डाउनलोड करताच कोविड -१९ रुग्णांच्या संपर्कात येण्याचे जोखीम घटक कमी होतात आणि कोरोना व्हायरसच्या संक्रमणास प्रतिबंध करण्यास मदत होते.
