यावल (प्रतिनिधी )-
गेल्या आठवड्यात यावल तालुक्यातील अंजाळे गावानजिक असलेल्या अंजाळे घाटाजवळ काही ट्रक चालकांवर दगडफेक करून त्यांना लुटण्यात आल्याची घटना घडली होती .दरम्यान ही घटना ताजी असतानाच रविवार १२ एप्रिल रोजी रात्री साडे बारा वाजेच्या सुमारास काही चोरट्यांनी शहादा तालुक्यातील डोंगरगावचे ट्रक चालक विजय भगवान पाटील वय २० हे ट्रक (क्रमांक एम.एच.१८ बी.जी. ८८७४) घेवून अहमदाबादहून नागपूरला यावलमार्गे जात असताना अंजाळे घाटात २५ ते ३० वयोगटातील आरोपींनी ट्रकवर दगडफेक करीत विजय पाटील यांच्या खिशातून दोन हजार रुपये काढून पोबारा केला . याबाबत यावल पोलिसांना माहिती दिल्यानंतर यावल पोलिसांनी अंजाळे शिवारातील जंगलातून चौघांना अटक केली.ट्रक चालक विजय पाटील यांना लुटल्यानंतर यावल पोलिस निरीक्षक अरुण धनवडे, पोलिस उपनिरीक्षक जितेंद्र खैरनार यांच्यासह सहाय्यक फौजदार मुजफ्फर खानख, पोलीस कर्मचारी असलम खान, निलेश वाघ, विनोद खांडोबारे, संजय देवरे, गोरख पाटील, पोलिस वाहन चालक ईस्माईल तडवी यांनी आरोपींचा पाठलाग करून त्यांना अंजाळे शिवारातील जंगलातून चौघांना पकडले . आरोपींविरूद्ध गुन्हा दाखल करण्यात आला आहे.
