भुसावळ – भुसावळ मंडळ रेल्वे प्रबंधक श्रीमती इति पाण्डेय यांच्या मार्गदर्शनाखाली भुसावळ मंडल रेल्वे रुग्णालयात सर्व महिला कर्मचाऱ्यांसाठी एक विशेष ब्रेस्ट कॅन्सर जागरूकता सेमिनार आणि आरोग्य तपासणी शिबीराचे २६ ऑक्टोबर रोजी आयोजन करण्यात आलेहोते . या कार्यक्रमाचा उद्देश ब्रेस्ट कॅन्सरच्या विषयावर जागरूकता वाढविणे आणि महिलांना त्यांच्या आरोग्याच्या नियमित तपासणीसाठी प्रेरित करणे होता.
कार्यक्रमाची सुरुवात रुग्णालयातील वरिष्ठ डॉक्टरांनी ब्रेस्ट कॅन्सरचे लक्षणे, कारणे आणि प्रतिबंधात्मक उपाय याबाबत माहिती देऊन केली. या सेमिनारमध्ये जागरूक करण्यात आले कि वेळेत तपासणी आणि योग्य उपचारामुळे या आजारापासून वाचता येऊ शकते. त्यानंतर उपस्थित महिलांना विविध आरोग्य तपासणी सेवा प्रदान करण्यात आल्या.
या कार्यक्रमाचा एक महत्त्वाचा भाग मंडलाच्या आरोग्य युनिट नाशिक आणि मनमाडमध्येही आयोजित करण्यात आला, जेणेकरून अधिकाधिक महिला कर्मचाऱ्यांना या जागरूकता उपक्रमाचा लाभ घेता यावा. या सेमिनार मध्ये एकूण २०० महिला कर्मचारींनी सहभाग राहिला.
या कार्यक्रमाचे आयोजन फक्त जागरूकता वाढवण्यासाठीच नाही, तर महिलांच्या आरोग्याची काळजी घेण्यासाठीही करण्यात आले आहे. रेल्वे प्रशासनाने सर्व महिला कर्मचाऱ्यांना त्यांच्या आरोग्याचा नियमित विचार करण्याचे आणि कोणत्याही लक्षणाच्या बाबतीत त्वरित वैद्यकीय सल्ला घेण्याचे आवाहन केले आहे.
