मध्य रेल्वे – ₹
, रेल्वे संरक्षण दल कॉन्स्टेबल, विनोद जटाळे यांनी अतुलनीय शौर्य दाखवून एका (जेष्ठ नागरिक ) प्रवाशाला हानी होण्यापासून वाचवले आहे.
दि. १२.०८.२०२४ रोजी ट्रेन क्रमांक 12135 पुणे – नागपूर एक्स्प्रेस अकोला स्थानकावरून नुकतीच निघाली, तेव्हा एका वरिष्ठ नागरिकाने चालत्या ट्रेनमधून उतरण्याचा प्रयत्न केला. ते ट्रेन आणि प्लॅटफॉर्मच्या जागेत घसरून पडले. यावेळी विनोद जटाळे, आरपीएफ कॉन्स्टेबल, भुसावळ विभाग, मध्य रेल्वे, जे अकोला स्थानकावर कर्तव्यावर होते, त्यांनी प्रवाश्याला ट्रेनमधून पडताना पाहिले. अत्यंत साहसाने त्यांनी ताबडतोब धाव घेतली, प्रवाशाला पकडले आणि त्याला सुरक्षित ठिकाणी खेचले त्यामुळे ते ट्रेनखाली जाण्यापासून वाचले.
अकोला येथील रहिवासी बाळकृष्ण इंगळे ६० वर्षाचे प्रवासी, कोणतीही दुखापत न होता चमत्कारिकरित्या बचावले. प्राण वाचवल्याबद्दल त्यांनी श्री विनोद यांचे मनापासून आभार व्यक्त केले.
विनोद जटाळे यांना प्रवाशाचे प्राण वाचवण्यासाठी सतर्कता, धाडस आणि समय सूचकतेचे अनोखे उदाहरण देणारे “जीवन रक्षक” म्हणता येईल. या धाडसी कृत्याद्वारे, त्यांनी एक समर्पित रेल्वे कर्मचारी आणि एक दयाळू माणूस म्हणून त्यांचे कर्तव्य अनुसरण करण्यासाठी आणि पार पाडण्यासाठी इतरांसाठी एक उदाहरण ठेवले आहे.
विनोद यांच्या प्रवाशाचे प्राण वाचविण्याच्या शौर्याचे मध्य रेल्वेने कौतुक केले आहे. लाखो प्रवाशांचा सुरळीत आणि सुरक्षित प्रवास सुनिश्चित करण्यासाठी अनेक सतर्क आणि धाडसी रेल्वे पुरुष आणि महिला २४x७ काम करत आहेत.
रेल्वे प्रवाशांना आवाहन करते की, चालत्या ट्रेनमधून चढणे किंवा उतरणे टाळावे ते जीवघेणे ठरू शकते.
