जळगाव : राष्ट्रवादीचे ज्येष्ठ नेते तथा माजी महसूलमंत्री एकनाथराव खडसे आणि त्यांच्या कन्या अॅड.रोहिणी खडसे यांच्यापासून आपल्या जीवाला धोका असल्याचा गंभीर आरोप शनिवारी मुक्ताईनगरचे आमदार तथा शिवसेनेचे जिल्हाप्रमुख चंद्रकांत पाटील यांनी केल्याने जिल्ह्याच्या राजकीय वर्तुळात मोठी खळबळ उडाली आहे. या संदर्भात आमदारांनी शनिवारी जिल्हा पोलिस अधीक्षकांची भेट घेऊन तक्रार केली.
तर महाविकास आघाडीतही पडणार फूट
जळगावात पत्रकारांशी बोलतांना त्यांनी खडसे पिता-पुत्रीवर आमदार पाटील यांनी गंभीर आरोप केले. भाजप आणि शिवसेनेतील युतीत एकनाथराव खडसे यांनी फूट पाडल्यानंतर आता महाविकास आघाडीतही तेच फूट पाडतील, असा धक्कादायक आरोपदेखील तयांनी केला.
