यावल ( प्रतिनिधी )- यावल तालुक्यातील परसाडे गावात एका प्रेमी युगलांनी प्रेमसंबधातुन गळफास घेवुन आत्महत्या केल्याची घटना घडली असुन , या घटनेमुळे गावात एकच शोककळा पसरली आहे .
याबाबत मिळालेली माहीती अशी की , परसाडे गावात एकाच समाजातील प्रेमींनी गाव शिवाराला लागुन वड्री परसाडे गावाला जाणाऱ्या असलेल्या पुष्पा गडे यांच्या शेतातील निंबाच्या झाडास दोघांनी एकाच वेळी गळ्फास घेवुन आपले जिवन संपवल्याची दुखद घटना घडली आहे .
विशेष म्हणजे आज यातील तरुणाचा चिनावल येथे साखरपुडा होता .
परसाडे येथील मिना शावखाँ तडवी वय २२ वर्ष व हरीपुरा येथील शाहरूख बाबु तडवी वय१९ असे या प्रेमी युगलांचे नाव आहे .
आत्महत्या केल्याची घटना उघडकीस आला आहे . या बाबत वड्रीचे पोलीस पाटील ईब्राहीम तडवी यांनी खबर दिल्याने यावल पोलीसात गुन्हा दाखल करण्यात आला असुन , पोलीसांनी पंचनामा करून दोघांचे मृतदेह शवविच्छेदना साठी यावल येथील ग्रामीण रुग्णालयात पाठवले आहे .
