भुसावळ – वाणिज्य विभागाने एप्रिल 2024 मध्ये 137 कोटी रुपयांचा उल्लेखनीय महसूल मिळवला
भुसावळ विभागाने एप्रिल 2024 मध्ये महसुलाचे विविध क्षेत्रात लक्षणीय वाढ साधून असाधारणपणे चांगली कामगिरी केली आहे. विभागीय रेल्वे व्यवस्थापक श्रीमती इति पांडे यांच्या सक्षम नेतृत्वाखाली आणि वरिष्ठ विभागीय वाणिज्य व्यवस्थापक श्री अजय कुमार यांच्या एकत्रित प्रयत्नांमुळे, विभागाला त्याच्या उत्कृष्ट कामगिरीबद्दल प्रशंसा मिळाली आहे.
प्रवासी महसुलाच्या बाबतीत, भुसावळ वाणिज्य विभागाला एप्रिल 2024 मध्ये 71.95 कोटी रुपयांचा महसूल प्राप्त झाला आहे. या यशात तिकीट तपासणीने महत्त्वपूर्ण योगदान दिले असून 9.25 कोटी रुपयांच्या महसुलाने मासिक उद्दिष्ट 18.14 % ने ओलांडले आहे. आणि गेल्या वर्षीच्या तुलनेत 31 % पेक्षा जास्त आहे.
विविध कोचिंग मधून मिळणाऱ्या महसुलातही लक्षणीय वाढ झाली असून, ती रु. 5.99 कोटींवर पोहोचली आहे. विविध सेवा देण्याच्या विभागाच्या वचनबद्धतेमुळे माल वाहतुकीद्वारे 54.60 कोटी रुपयांचा महसूल प्राप्त झाला आहे. मालगाड्यांनी मोटारगाड्या, पेट्रोलियम उत्पादने, कांदे, अन्नधान्य आणि सिमेंट वॅगनसह विविध प्रकारच्या मालाची कुशलतेने वाहतूक केली आहे.
पार्सल सेवेने एकूण 02.69 कोटी रुपयांचा महसूल मिळवला, जे ग्राहकांच्या गरजा पूर्ण करण्यात भुसावळ मंडळाची बहुमुखी प्रतिभा दर्शवते. या व्यतिरिक्त, इतर विविध व्यावसायिक क्रियाकलापांमधून विविध महसूल रु. 1.78 कोटी आहे ज्यामुळे विभागाच्या आर्थिक यशात आणखी भर पडली. एकंदरीत, भुसावळ विभागाने एप्रिल 2024 मध्ये 137 कोटी रुपयांची उल्लेखनीय महसुल मिळवला आहे.
विभागामधे एप्रिल 2024 महिन्यात महत्वपूर्ण कार्य करण्यात आले.
- रावेर स्टेशन येथून आदर्श नगर दिल्ली येथे केळी पार्सल गाडी द्वारे लोड करण्यात आले सुमारे ७ महिन्यानंतर रावेर येथून केळी ची लोडींग सुरु करण्यात आली आहे.
- नासिक स्टेशन येथे लिफ्ट आणि एस्केलेटर ची सुविधा प्रदान करण्यात आली आहे. या सुविधांमुळे ज्येष्ठ नागरिक, दिव्यांग व्यक्तीं , लहान मुले, महिला आणि आजारी व्यक्तींसाठी खूप मदत होईल.
- देवलाली स्टेशन चा अमृत भारत स्टेशन योजने अंतर्गत विकास करण्यात आला आहे.
ही कामगिरी संपूर्ण टीमचे समर्पण आणि परिश्रम दर्शवते, यासाठी विभागीय रेल्वे व्यवस्थापक श्रीमती इति पांडे, वरिष्ठ विभागीय व्यावसायिक व्यवस्थापक श्री अजय कुमार यांचे मार्गदर्शन आणि सक्रिय सहभाग यामुळे विभागाची प्रशंसनीय कामगिरी झाली, ज्याने एक मानक स्थापित केला. रेल्वे क्षेत्रातील उत्कृष्टतेने महत्त्वाची भूमिका बजावली आहे.
