भुसावळ (प्रतिनिधी )-
राष्ट्रीय मतदार दिनानिमित्त सुधीर रामदास तायडे यांना “मतदान केंद्रस्तरीय अधिकारी” म्हणून उत्कृष्ट कार्य केल्याबद्दल जिल्हाधिकारी अभिजीत राऊत यांच्या स्वाक्षरीचे फोटो फ्रेम प्रमाणपत्र देवून भुसावळचे तहसीलदार दिपक धिवरे यांच्या हस्ते नायब तहसीलदार घुले मॕडम व नायब तहसीलदार इंगळे यांच्या प्रमुख उपस्थितीत नुकतेच गौरविण्यात आले होते. त्या निमित्ताने आज भुसावळ शिक्षक पतपेढीचे संचालक तथा माजी उप सभापती प्रदिप सोनवणे, चिटणीस राजू तडवी व जळगाव ग.स. सोसायटीचे संचालक योगेश इंगळे यांनी सुधीर तायडे यांचा शाल, श्रीफळ व पुष्पगुच्छ देवून सत्कार करत त्यांना भावी वाटचालीस हार्दिक शुभेच्छा दिल्या
सत्कारपर मनोगतात सुधीर तायडे यांनी सांगितले की, प्रत्येक मतदान केंद्रस्तरीय अधिकाऱ्यांचे कार्य उल्लेखनियच आहे. निवडणूक विभागाकडून माझा करण्यात आलेला गौरव हा माझा वैयक्तिक गौरव नसून आपल्या सर्वांच्या वतीने प्रतिनिधीक स्वरुपात आपल्या सर्वांच्या सांघिक कार्याचाच हा गौरव आहे असे समजा. आपआपल्या कार्यक्षेत्रातील प्रत्येक कुटूंबातील एका व्यक्तीचा संपर्क मोबाईल क्रमांक असलेला व्हाॕटसअॕप ग्रुप तयार करा. जेणेकरुन मतदारांच्या अडचणी समजून घेणे व नवमतदार नोंदणीसह, निवडणूक आयोगाचे विविध संदेश मतदारांपर्यंत पोहचवणे सोयीचे होईल.
कार्यक्रमाला योगेश मुस्कवाड, अमोल पाटील, सचीन पाटील इ. सह महसूलचे कर्मचारी व नवमतदार उपस्थिती होते.
