भुसावळ (प्रतिनिधी ) : शहराचे आमदार व वस्त्रोद्योग मंत्री संजय सावकारे यांच्या निवासस्थानी मोठ्या उत्साहात व मनोभावे घटस्थापना करण्यात आली. मंत्री संजय सावकारे, प्रतिष्ठा महिला मंडळाच्या अध्यक्षा रजनी संजय सावकारे व सुनिधी सावकारे प्रसंगी उपस्थित होत्या.
दरवर्षी उत्साहात स्थापना
मंत्री संजय सावकारे यांच्या निवासस्थानी गेल्या अनेक वर्षांपासून नवरात्र हा आदिशक्तीचा उत्सव मनवला जातो. दुर्जनांचा नाश व सज्जनांचे रक्षण करणार्या आदिमायेची या काळात आराधना केली जाते.
अश्विन शुद्ध प्रतिपदेपासून नवमीपर्यंत नवरात्रोत्सव साजरा होतो. या काळात कुलदेवीची मूर्ती किंवा कलश स्थापीत केला जातो. उत्सवाच्या काळात नऊ दिवस देवीसमोर अखंड दीप प्रज्वलित करण्यात आला आहे.
