भुसावळ –
मध्य रेल्वेच्या भुसावळ विभागाने 2024-25 या आर्थिक वर्षात ₹6.9 कोटी खानपान सेवेद्वारे
महसूल नोंदवून एक उल्लेखनीय कामगिरी केली आहे. यामध्ये नोव्हेंबर 2024 पर्यंत मागील विक्रमापेक्षा 3.96% अधिक उत्पन्नाची नोंद झाली आहे .
*2023-24 च्या तुलनेत 7.47% वाढ.
भुसावळ विभागाच्या खानपान सेवा उत्पन्नात झालेली वाढ विविध स्थानकांवर पुरवलेल्या अतिरिक्त कॅटरिंग सुविधांमुळे शक्य झाली आहे. याशिवाय, स्थानकाच्या पुनर्विकासाच्या कामामुळे स्थानकांच्या सौंदर्यपूर्ण लुकमध्ये लक्षणीय बदल झाला आहे. नव्या डिझाइनचे कॅटरिंग स्टॉल्स प्रस्तावित करण्यात आले आहेत.
नवीन मॉड्यूलर कॅटरिंग युनिट्स प्रवाशांचा अनुभव अधिक सुलभ व सुखद करण्यासाठी तयार करण्यात येत आहेत. स्टॉल्स गर्दी कमी करण्यात मदत करतील, अधिक चांगली दृश्यता देतील, तसेच अग्नि-प्रतिरोधक साहित्य आणि विद्युत सुरक्षेच्या सुविधांसह सुसज्ज असतील. भुसावळ विभागाची ही उल्लेखनीय कामगिरी रेल्वे सेवांच्या आधुनिकीकरण आणि सुधारणेच्या दिशेने महत्त्वाचे पाऊल आहे.
