ढोल-ताशांचा गजर, पुष्पवृष्टी आणि सांस्कृतिक कार्यक्रमांनी रंगला अभिष्टचिंतन सोहळा; विविध शैक्षणिक संस्थांमध्ये शुभेच्छांचा वर्षाव जळगाव (प्रतिनिधी) : गोदावरी फाउंडेशनच्या सचिव डॉ. वर्षा पाटील यांच्या वाढदिवसानिमित्त गोदावरी फाउंडेशन संचलित विविध शैक्षणिक व वैद्यकीय संस्थांमध्ये सांस्कृतिक तसेच समाजोपयोगी उपक्रमांचे आयोजन करण्यात आले. गोदावरी अभियांत्रिकी महाविद्यालय, डॉ. उल्हास पाटील वैद्यकीय महाविद्यालय व रुग्णालय आणि महादेव रुग्णालय येथे डॉ. वर्षा पाटील यांना शुभेच्छा देण्यात आल्या. डॉ. उल्हास पाटील वैद्यकीय महाविद्यालयात ढोल-ताशांच्या गजरात आणि पुष्पवृष्टी करून त्यांचे जल्लोषात स्वागत करण्यात आले. यानंतर डॉ. केतकी पाटील सभागृहात अभिष्टचिंतन सोहळा पार पडला. या कार्यक्रमाला गोदावरी फाउंडेशनचे अध्यक्ष तथा माजी खासदार डॉ. उल्हास पाटील, उपाध्यक्ष सुभाषदादा पाटील, सदस्या डॉ. केतकी पाटील, डीएम कार्डिओलॉजिस्ट डॉ. वैभव पाटील, न्यूरोसर्जन डॉ. अनिकेत पाटील, डॉ. सौरभ पाटील यांच्यासह वैद्यकीय व शैक्षणिक क्षेत्रातील मान्यवर उपस्थित होते. यामध्ये डीन डॉ. प्रशांत सोळंके, संचालक डॉ. एन. एस. आर्विकर, रजिस्ट्रार प्रमोद भिरूड, डॉ. माया आर्विकर, होमिओपॅथी महाविद्यालयाचे प्राचार्य डॉ. विद्यानंद आठवले, फिजिओथेरपी महाविद्यालयाचे प्राचार्य डॉ. जयवंत नागूलकर, आयुर्वेद महाविद्यालयाचे डीन डॉ. हर्षल बोरोले, गोदावरी नर्सिंग महाविद्यालयाच्या प्राचार्या विशाखा गणवीर, डॉ. केतकी पाटील नर्सिंग महाविद्यालयाचे प्राचार्य शिवानंद बिरादर, वैद्यकीय रुग्णालयाचे अधीक्षक डॉ. प्रेमचंद पंडित यांच्यासह विविध महाविद्यालयांचे प्राचार्य, प्राध्यापक, अधिकारी व कर्मचारी उपस्थित होते. डॉ. वर्षा पाटील यांचे योगदान मोलाचे कार्यक्रमाच्या प्रारंभी डीन डॉ. प्रशांत सोळंके यांनी मनोगत व्यक्त केले. गोदावरी फाउंडेशनच्या उभारणीत डॉ. वर्षा पाटील यांचा मोलाचा वाटा असल्याचे त्यांनी नमूद केले. गोदावरी आजींच्या अनुपस्थितीत पहिल्यांदाच हा वाढदिवस साजरा होत असला, तरी त्यांचे आशीर्वाद डॉ. वर्षा पाटील यांच्या पाठीशी असल्याची भावना त्यांनी व्यक्त केली. डॉ. उल्हास पाटील यांच्या प्रत्येक निर्णयात डॉ. वर्षा पाटील यांनी कायम खंबीर साथ दिली आहे. सून, पत्नी, आई, सासू आणि आजी अशा विविध भूमिका समर्थपणे निभावणाऱ्या डॉ. वर्षा पाटील या सर्वांसाठी प्रेरणादायी व्यक्तिमत्त्व आणि रोल मॉडेल असल्याचे सांगत डॉ. सोळंके यांनी त्यांना वाढदिवसाच्या शुभेच्छा दिल्या. विद्यार्थ्यांच्या सांस्कृतिक कार्यक्रमांनी रंगत अभिष्टचिंतन सोहळ्यानिमित्त बीएचएम, एमबीबीएस, आयुर्वेद, फिजिओथेरपी, नर्सिंग आणि होमिओपॅथी महाविद्यालयांतील विद्यार्थ्यांनी नृत्य, समूह नृत्य आणि गीतांचे सादरीकरण केले. विद्यार्थ्यांनी उत्स्फूर्त सहभाग घेत सभागृहात उत्साहाचे वातावरण निर्माण केले. यावेळी रजिस्ट्रार प्रमोद भिरूड, प्रा. डॉ. पियूष वाघ, डॉ. विद्यानंद आठवले आणि डॉ. धनंजय बोरोले यांनीही एकल गीत सादर केले. यानंतर मान्यवरांच्या उपस्थितीत केक कापून वाढदिवस साजरा करण्यात आला. गोदावरी फाउंडेशन संचलित सर्व शैक्षणिक संस्थांच्या प्राचार्यांनी आणि प्रमुखांनी डॉ. वर्षा पाटील यांचा सत्कार करून त्यांना शुभेच्छा दिल्या. मान्यवरांकडून शुभेच्छांचा वर्षाव यावेळी गोदावरी फाउंडेशनचे अध्यक्ष डॉ. उल्हास पाटील यांनी उपस्थितांना मार्गदर्शन केले. डॉ. वर्षा पाटील यांनी सत्काराला उत्तर देताना उपस्थितांचे आभार मानले. कार्यक्रमाचे सूत्रसंचालन प्राची मोराळे आणि उत्कर्ष भोसले यांनी केले. त्यांनीच उपस्थितांचे आभार मानले. ढोल-ताशांचा गजर, सांस्कृतिक सादरीकरणे आणि मान्यवरांच्या शुभेच्छांमुळे डॉ. वर्षा पाटील यांचा वाढदिवस उत्साहपूर्ण वातावरणात साजरा झाला.
