– भुसावळ : दैनंदिन कामकाज वेळेत पूर्ण करण्यासह गुन्ह्यांची निर्गती, अद्यावत फायलिंग, मोटार व्हेईकलच्या केसेस करण्यासह आचारसंहितेत बेकायदेशीररीत्या सोन्याची वाहतूक रोखण्यासह महत्वपूर्ण भूमिका बजावणार्या खाकीतील शिलेदारांचा भुसावळात सन्मान करण्यात आला. भुसावळातील डीवायएसपी कार्यालयातील मिटींग हॉलमध्ये शनिवारी क्राईम मिटींगनंतर भुसावळातील तीन्ही पोलीस ठाण्यासह नशिराबाद पोलीस ठाण्याचे अधिकारी, कर्मचारी यांच्या उपस्थितीत ‘एम्प्लॉई ऑफ द मंथ‘ संकल्पनेतील कर्मचार्यांचा गौरव करण्यात आला.
पोलीस ठाण्यात उत्कृष्ट काम करणार्या पोलीस अंमलदार यांचे कौतूक करण्यासाठी तसेच त्यांच्यात सांघिक भावना निर्माण व्हावी व दैनंदिन कामकाजामध्ये उत्कृष्ट काम करण्याची प्रेरणा निर्माण करण्यासाठी पोलीस स्टेशन एम्प्लॉई ऑफ द मंथ ही संकल्पना राबविण्यात येत आहे.
यावेळी पोलीस उपअधीक्षक कृष्णात पिंगळे, निरीक्षक संदीप रणदिवे, निरीक्षक गजानन पडघन, निरीक्षक बबन जगताप आदींची उपस्थिती होती. दुचाकी चोरी प्रकरणाचा तपास उघड करीत 12 दुचाकी जप्त करणार्या बाजारपेठ पोलीस ठाण्याचे उपनिरीक्षक मंगेश जाधव, विजय नेरकर, महेश चौधरी, यासीन पिंजारी, दिनेश कापडणे, सचिन चौधरी, जावेद शहा, राहुल वानखेडे, भूषण चौधरी यांचाही गौरव केला. यावेळी नशिराबाद येथील पोलीस अधिकारी उपस्तित होते.
यावेळी गुन्हे उघडकीस आणण्यास मदत करणार्या तसेच भादंवि 279 व 337 चा गुन्हा खोटा असल्याचे सिद्ध करणार्या भुसावळ शहर पोलिस ठाण्यातील सहायक फौजदार मोहम्मद अली सत्तार अली सैय्यद, दुचाकी चोरीचे 12 गुन्हे उघडकीस आणणार्या बाजारपेठ पोलिसात ठाण्यातील महेश एकनाथ चौधरी तसेच क्राईम अभिलेख अद्यावत ठेवणार्या भुसावळ तालुका पोलीस ठाण्यातील जगदीश चावदस भोई, अर्ज निर्गती करणार्या नशिराबाद पोलीस ठाण्यातील तुषार विजय पाटील, मोटार व्हेईकलच्या 319 केसेस करणार्या भुसावळ शहर वाहतूक शाखेतील प्रवीण आनंदा पाटील यांचा गौरव करण्यात आला.
20 लाखांचे सोने पकडून देणार्या या कर्मचार्यांचा सत्कार
वाहनातून पावतीविना 279 ग्रॅम सोन्याची वाहतूक करणार्या भंवरलाल जैन या सराफाला मुक्ताईनगर पोलिसांनी शुक्रवारी सायंकाळी पकडले होते. ही गोपनीय माहिती भुसावळ पोलीस उपअधीक्षकांच्या पथकातील हवालदार सुरज पाटील व नाईक संकेत झांबरे यांनी दिल्यावरून करण्यात आल्यानंतर या कर्मचार्यांचाही यावेळी सन्मान करण्यात आला.
