मुंंबई – देवेंद्र फडणवीस यांची विधी मंडळ गटनेता पदी व मुख्यमंत्री पदी निवड निश्चित झाली ते गुरुवार, 5 रोजी ते राज्याचे नवीन मुख्यमंत्री म्हणून शपथ घेतील. गेल्या अनेक दिवसांपासून मुख्यमंत्रीपदी कुणाची वर्णी लागणार ? याबाबत खलबते सुरू असताना आता देवेंद्र यांच्या नावावर शिक्कामोर्तब करण्यात आले आहे.
भाजपा कोअर कमेटीच्या बैठकीत निर्णय
भाजपची कोर कमिटीची बैठक संपली आहे. निर्मला सीतारमण यांच्या उपस्थितीत ही बैठक झाली. भाजपा विधी मंडळ गटनेते पदी फडणवीस यांच्या नावाला भुसावळचे आमदार संजय सावकारे यांनीदेखील अनुमोदन दिले.
भाजपने जवळपास निश्चित केलं होतं. परंतु एकनाथ शिंदे यांच्या कथित नाराजीमुळे भाजपने त्यांचं नाव जाहीर केलेलं नव्हतं. शेवटी शिंदेंनी गृहमंत्री पदाची मागणी लावून धरली होती. त्याबाबत भाजप काय निर्णय घेणार, हे लवकरच कळेल. मात्र मुख्यमंत्री म्हणून देवेंद्र फडणवीस हेच शपथ घेतील, हे निश्चित झालं आहे.
महायुतीचे सरकार सत्तेवर विराजमान होण्यात महत्त्वाची भूमिका बजावणार्या ‘लाडक्या बहिणी’ शपथविधीला उपस्थित राहणार आहेत. शपथविधीच्या ठिकाणी ‘लाडकी बहीण कक्ष’ उभारण्यात येणार आहे. या ठिकाणी 10 हजार महिलांची बसण्याची व्यवस्था करण्यात आली आहे.
