पुणे ते नागपूर दरम्यान त्रि-साप्ताहिक सुपरफास्ट विशेष गाडी होणार सुरु ;

भुसावळ (प्रतिनिधी )-
मध्य रेल्वेने प्रवाश्यांच्या सोयीसाठी पुणे ते नागपूर दरम्यान त्रि साप्ताहिक सुपरफास्ट विशेष गाडी सुरु करण्याचा निर्णय घेतला आहे. तपशील खालीलप्रमाणे –
०२०३५ त्रि- साप्ताहिक सुपरफास्ट विशेष पुणे येथून दिनांक ७.२.२०२१ पासून पुढील सूचना मिळेपर्यंत दर मंगळवार, गुरुवार आणि रविवारी १७.४० वाजता सुटेल आणि नागपूर येथे दुसर्‍या दिवशी ०९.१० वाजता पोहोचेल.
०२०३६ त्रि-साप्ताहिक सुपरफास्ट विशेष नागपूर येथून दिनांक ६.२.२०२१ पासून पुढील सूचना मिळेपर्यंत दर सोमवार, बुधवार आणि शनिवारी १८.०० वाजता सुटेल आणि पुणे येथे दुसर्‍या दिवशी ०९.०५ वाजता पोहोचेल.

थांबे: दौंड कॉर्ड लाईन, अहमदनगर, बेलापूर, कोपरगाव, मनमाड जंक्शन, चाळीसगाव, जळगाव, भुसावळ जंक्शन, मलकापूर, शेगाव, अकोला, बडनेरा, धामणगाव, पुलगाव, वर्धा, अजनी

संरचना: एक वातानुकुलीत द्वितीय श्रेणी, सहा वातानुकुलीत तृतीय श्रेणी, ११ शयनयान आणि ४ द्वितीय श्रेणी आसन

आरक्षण: पूर्णपणे आरक्षित सुपरफास्ट विशेष गाडी क्र. ०२०३५/०२०३६ साठी आरक्षण सामान्य भाडे दराने दिनांक ५.२.२०२१ पासून सर्व संगणकीकृत आरक्षण केंद्रांवर आणि www.irctc.co.in या संकेतस्थळावर सुरु होईल.

उपरोक्त विशेष गाडीच्या थांब्यांवरील सविस्तर वेळेसाठी कृपया www.enquiry.indianrail.gov.in संकेतस्थळाला भेट द्या किंवा एनटीईएस अ‍ॅप डाउनलोड करा.

केवळ आरक्षित तिकिट असलेल्या प्रवाश्यांनाच या विशेष गाड्यांमध्ये चढण्याची परवानगी देण्यात येईल.
प्रवाशांनी बोर्डिंग, प्रवासादरम्यान आणि गंतव्यस्थानाच्या वेळी कोविड -१९ संबंधित सर्व निकषांचे पालन करावे लागेल