भुसावळ (प्रतिनिधी )-
कोरोना विषाणूंचा प्रादुर्भाव टाळण्यासाठी प्रांत अधिकाऱ्यांच्या अध्यक्षतेखाली दिनांक 23 मार्च सोमवार रोजी सायंकाळी 5 वाजेला उपविभागीय कार्यालय येथे बैठक घेण्यात आली.त्यात तालुकास्तरीय उपविभागीय समितीची स्थापना करण्यात आली.
कोरोना विषाणूंचा प्रादुर्भाव टाळण्यासाठी प्रांताधिकारी रामसिंग सुलाने यांच्या अध्यक्षतेखाली तालुकास्तरीय समिती स्थापन करण्यासाठी बैठकीचे आयोजन दिनांक 23 मार्च सोमवार रोजी सायंकाळी 5.वाजेला करण्यात आले होते.
यामध्ये उपविभागीय समितीची प्रांताधिकारी रामसिंग सुलाने यांच्या अध्यक्षतेखाली तहसिलदार दिपक धिवरे,गटविकास अधिकारी
विलास भटकर ,बाजारपेठ पोलीस स्टेशनचे निरीक्षक दिलीप भागवत, शहर पोलीस स्टेशनचे निरीक्षक बाबासाहेब ठोंबे,तालुका पोलीस स्टेशनचे रामकृष्ण कुंभार , प्रतिनिधी,वरणगाव नगरपालिकेचे दोन प्रतिनिधी असे पदाधिकारी बैठकीला उपस्थित होते यावेळी समितीची स्थापना करण्यात आली.
कोरोना विषाणूंचा प्रादुर्भाव टाळण्यासाठी समिती तालुका स्तरावर उपाय-योजना तसेच दैनंदिन आढावा घेऊन जिल्हा परिषदेकडे सोपविणार आहे.तसेच बी.डी.ओ.ग्रामपातळीवर समिती स्थापन करणार तसेच अध्यक्षपदी सरपंच पदभार सांभाळणार या समितीमध्ये तलाठी, ग्रामसेवक,आरोग्य अधिकारी,सभापती,पोलीस पाटील यांचा समावेश असणार आहे.समिती कोरोना बद्दल माहिती संकलन करून पोलीस स्टेशन व तहसिल कार्यालयाकडे जमा करावी लागणार आहे.या दरम्यान जर एखादा कोरोना लागण रुग्ण आढळल्यास तो उपचारासाठी जाण्यास नकार दिल्यास वैद्यकीय अधिकारी पोलीस बंदोबस्तात रुग्णाला जिल्ह्या रुग्णालयात घेऊन जाणार आहे.तसेच जिल्हा बंदी असल्याने बाहेर जिल्हयातील दुसरा व्यक्ती येऊ शकणार नाही तसेच दुसऱ्या जिल्ह्यात जाऊ शकणार नाही. यासाठी परिवहन विभागाकडे जबाबदारी (आर.टी.ओ) सोपविण्यात आली आहे.नगरपरिषद तसेच पोलीस प्रशासन शासनाकडून आलेले निर्णय वाहनाने स्पीकरव्दारे अनाऊन्समेंट करून जनजागृती करणार आहे.जीवनावश्यक वस्तूचा साठा करू नये जेणे करून त्या खराब झाल्यास फेकण्याची वेळ येत कामा नये. साठा केल्यास दुसऱ्यांना मिळणार नाही याची काळजी घ्यावी.अशी माहिती प्रांत अधिकारी रामसिंग सुलाने यांनी दिली.
