भुसावळा (प्रतिनिधी )-
शहरातील सिंधी कॉलनी भागात सट्टा सुरू असल्याची गोपनीय माहिती बाजारपेठ पोलिस ठाण्याच्या अधिकाऱ्यांना मिळाल्यावरून दिनांक ५ मार्च २०२१ रोजी सट्टा पेढीवर छापा टाकला यात एका आरोपी विरुद्ध गुन्हा दाखल करण्यात आला आहे.
सविस्तर वृत्त असे की, दिनांक ५ मार्च २०२१ रोजी दुपारी ३.३० वाजेच्या सुमारास गोपनीय महितीदाराकडून मिळालेल्या माहितीवरून भुसावळ शहरातील जामनेर रोड वरील सिंधी कॉलनी भागातील आदर्श हायस्कुलच्या पाठीमागे बडा सेवा मंडळ जवळ आरोपी रोहित धर्मेंद्र पारेचाणी वय २७ राहणार सिंधी कॉलनी मधील असून हा लोकांकडून बिट आकडेवर पैसे स्वीकारून टाईम बाजार नावाचा सट्टा जुगाराचा खेळ खेळवितांना १५१० रुपये व सट्टा खेळण्याचे साधनासह मिळून आला म्हणून फिर्यादी पोकॉ सुभाष साबळे यांनी दिलेल्या फिर्यादीवरून गुरून ००९६/२०२१ भाग-५ महाराष्ट्र जुगार प्राधिकरण अधिनियम १८८७ कलम १२(अ) प्रमाणे गुन्हा दाखल करण्यात आला आहे.
सदर कारवाई उपविभागीय पोलीस अधिकारी सोमनाथ वाघचौरे यांच्या मार्गदर्शनाखाली बाजारपेठ पोलीस स्टेशनला सपोनी धुमाळ ,पो ना रवींद्र बिऱ्हाडे,रमण सुरळकर,उमाकांत पाटील , बंटी कापडणे, सुभाष साबळे,प्रशांत परदेशी,अक्षय चव्हाण, किशोर मोरे यांनी केली .
