भुसावळ (प्रतिनिधी) – प्रवाशांची वाढती गर्दी लक्षात घेऊन मध्य रेल्वेने भुसावळ आणि दादर दरम्यान धावणाऱ्या विशेष गाड्यांच्या सेवांचा कालावधी वाढवण्याचा निर्णय घेतला आहे. यामुळे उन्हाळी हंगामात प्रवाशांना मोठा दिलासा मिळणार आहे.
रेल्वे प्रशासनाने दिलेल्या माहितीनुसार, पुढील गाड्यांच्या फेऱ्यांमध्ये वाढ करण्यात आली आहे:
साप्ताहिक विशेष गाड्या:
गाडी क्र. 09049 (दादर – भुसावळ साप्ताहिक विशेष):
आधी २७ मार्च २०२६ पर्यंत धावणार होती; आता ३१ जुलै २०२६ पर्यंत दर शुक्रवारी धावेल.
गाडी क्र. 09050 (भुसावळ – दादर साप्ताहिक विशेष):
आधी २७ मार्च २०२६ पर्यंत; आता ३१ जुलै २०२६ पर्यंत दर शुक्रवारी सेवा सुरू राहील.
त्रि-साप्ताहिक विशेष गाड्या:
गाडी क्र. 09051 (दादर – भुसावळ विशेष):
आधी २८ मार्च २०२६ पर्यंत; आता २९ जुलै २०२६ पर्यंत दर सोमवार, बुधवार आणि शनिवार धावेल.
गाडी क्र. 09052 (भुसावळ – दादर विशेष):
आधी २८ मार्च २०२६ पर्यंत; आता २९ जुलै २०२६ पर्यंत दर सोमवार, बुधवार आणि शनिवार धावेल.
रेल्वेने स्पष्ट केले आहे की या गाड्यांचे वेळापत्रक, मार्ग, थांबे आणि संरचना यामध्ये कोणताही बदल होणार नाही.
आरक्षणाची माहिती: गाडी क्रमांक 09050 च्या वाढीव फेऱ्यांसाठी आरक्षण ३१ मार्च २०२६ पासून सर्व संगणकीकृत आरक्षण केंद्रांवर तसेच IRCTC Rail Connect (www.irctc.co.in) या अधिकृत वेबसाइटवर सुरू होणार आहे. प्रवासी ‘RailOne’ अॅपचाही वापर करू शकतात.
गाड्यांच्या वेळापत्रक आणि थांब्यांच्या सविस्तर माहितीसाठी NTES अॅप किंवा भारतीय रेल्वेच्या अधिकृत संकेतस्थळाला भेट देण्याचे आवाहन करण्यात आले आहे.
मध्य रेल्वेच्या या निर्णयामुळे प्रवाशांना अधिक सोयीस्कर प्रवासाची संधी उपलब्ध होणार आहे.
