भुसावळ – प्रवाश्याच्या दृष्टीने तसेच मालवाहतुकीसाठी अतिशय महत्वपूर्ण असलेली जळगाव ते मनमाड चवथी रेल्वेलाईन व भुसावळ-खंडवा तिसरी आणि चौथी लाईनसाठी मंजुरी मिळाली आहे, भुसावळ रेल्वे विभागातील या प्रकल्पांमुळे लॉजिस्टिक क्षमतेमध्ये सुधारणा होऊन सध्याच्या लाइनची क्षमता वाढवून परिवहन नेटवर्क मजबूत होईल, ज्यामुळे पुरवठा साखळ्यांमध्ये सुधारणा होईल आणि आर्थिक विकासाला गती मिळणार आहे . भुसावळ-खंडवा रेल्वे मार्गावर तिसरी आणि चौथी लाइन बांधणे हे केवळ क्षेत्रीय विकासासाठीच नाही तर भारतीय रेल्वे नेटवर्क मजबूत करण्यासाठी देखील एक महत्त्वाचा टप्पा आहे. यामुळे प्रवासी आणि माल वाहतुकीत सुधारणा होईल, ज्यामुळे देशाच्या अर्थव्यवस्थेतील वाढ आणि रेल्वेची क्षमता वाढवली जाईल
भुसावळ येथील मध्य रेल्वेच्या मुख्य प्रबंधक कार्यालयात आज २६ नोव्हेंबर रोजी दुपारी मनमाड-जळगाव चौथी लाईन, भुसावळ-खंडवा तिसरी आणि चौथी लाईन आणि माणिकपूर – इरादतगंज तिसरी लाईन या तीन मल्टी ट्रॅकिंग रेल्वे प्रकल्पांना केंद्रीय मंत्रिमंडळाने दिलेल्या मंजुरीची माहिती रेल्वे, माहिती आणि प्रसारण आणि इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांनी व्हिडीओ कॉन्फरन्सिंगद्वारे माध्यमांना दिली: याप्रसंगी मध्य रेल्वे महाप्रबंधक धर्मवीर मीना, मंडळ रेल्वे प्रबंधक श्रीमती इति पांडे, यांचेसह रेल्वे अधिकारी उपस्थित होते
यावेळी वैष्णव यांनी सांगितले की , जळगाव-मनमाड चौथी लाईन. , भुसावळ-खंडवा तिसरी आणि चौथी लाईन आणि माणिकपूर-इरादतगंज तिसरी लाईन.संपूर्ण महाराष्ट्रात रेल्वे पायाभूत सुविधा सुधारणे, मध्य प्रदेशशी संपर्क वाढवणे आणि मुंबई- प्रयागराज – वाराणसी कॉरिडॉर मजबूत करणे हे या प्रकल्पांचे उद्दिष्ट आहे यावेळी अश्विनी वैष्णव यांनी तीन प्रकल्पांबद्दल तपशीलवार माहिती दिली, ज्याची एकूण किंमत अंदाजे ७,९२७ कोटी रुपये आहे. या प्रकल्पांना पंतप्रधान नरेंद्र मोदी यांच्या अध्यक्षतेखाली आर्थिक घडामोडींच्या मंत्रिमंडळ समितीने मंजुरी दिली. प्रस्तावित रेल्वेमार्ग पूर्व उत्तर प्रदेश, बिहार आणि अवधचा भाग महाराष्ट्राशी जोडतील. प्रस्तावित मल्टी-ट्रॅकिंग प्रकल्प परिचालन सुलभ करतील आणि गर्दी कमी करतील, ज्यामुळे मुंबई आणि प्रयागराज दरम्यानच्या काही व्यस्त भागांवर आवश्यक पायाभूत सुविधांचा विकास होईल. हे प्रकल्प पंतप्रधान नरेंद्र मोदी यांच्या “न्यू इंडिया” च्या संकल्पनेशी सुसंगत आहेत, ज्याचे उद्दिष्ट सर्वसमावेशक विकासाद्वारे प्रदेशाला “आत्मनिर्भर” बनवण्याचे आहे, ज्यामुळे रोजगाराच्या संधी वाढतील. हे प्रकल्प एकात्मिक नियोजनाद्वारे शक्य झालेल्या मल्टी-मॉडल कनेक्टिव्हिटीसाठी पीएम-गती शक्ती राष्ट्रीय मास्टर प्लान चे परिणाम आहेत. ते प्रवासी, वस्तू आणि सेवांच्या वाहतुकीसाठी अखंड दळणवळण प्रदान करतील. या प्रकल्पांमुळे बांधकाम कालावधीत सुमारे एक लाख मनुष्य बळाचा थेट रोजगार निर्माण होईल. भारतीय रेल्वेचे नेटवर्क महाराष्ट्र, मध्य प्रदेश आणि उत्तर प्रदेशातील नाशिक, जळगाव, बुरहानपूर, खंडवा, रीवा, चित्रकूट आणि प्रयागराज या सात जिल्ह्यांमध्ये सुमारे ६३९ ट्रॅक किमीपर्यंत विस्तारलेले आहे.
प्रस्तावित मल्टी-ट्रॅकिंग प्रकल्पामुळे नाशिक, जळगाव, बुरहानपूर, रिवा, चित्रकूट, खंडवा आणि प्रयागराजशी संपर्क वाढेल , शिर्डी साई मंदिर, शनि शिंगणापूर, पंचवटी, काळाराम मंदिर, गोदावरी गोमुख, वाणी मंदिर, घृष्णेश्वर मंदिर या धार्मिक स्थळांना भेट देण्याची सुविधा उपलब्ध करून देईल. तसेच खजुराहो, अजिंठा आणि एलोरा लेणी तसेच देवगिरी किल्ला, असीरगड किल्ला, रिवा किल्ला, यावल वन्यजीव अभयारण्य, कोटी धबधबा आणि पूर्वा फॉल्स यांसारख्या युनेस्को जागतिक वारसा स्थळांमध्ये प्रवेश सुधारून पर्यटनाला चालना मिळेल .
यात मनमाड – जळगाव चौथा मार्ग प्रकल्प (१६० किमी ) करीता खर्च: २,७७३.२६ कोटी रुपये निधी मंजूर झाला असून याचा आर्थिक प्रभाव: कोळसा, स्टील, कंटेनर आणि कांदे, फळे आणि सोयाबीन (एकूण 21.6 MTPA) सारख्या कृषी उत्पादनांची वाहतूक सुलभ करेल.
वाढलेली प्रवासी आणि मालवाहतूक क्षमता, वार्षिक ८ कोटी लिटर डिझेलची बचत, उच्च घनतेच्या कॉरिडॉरमधील गर्दी कमी करणे आणि सुरक्षितता सुधारेल.भुसावळ – खंडवा तिसरी आणि चौथी लाईन प्रकल्प (१३१ किमी) खर्च: ३,५१३.५६ कोटी रुपये निधी मंजूर मालवाहतुकीत सुधारणा, मुंबई आणि उत्तर/पूर्व राज्यांमधील प्रवासी सेवेत वाढ, भुसावळ जंक्शनवरील गर्दीत घट, वार्षिक ४ कोटी लिटर डिझेलची बचत आणि सुरक्षिततेत सुधारणा होण्यास मदत होईल तर हे प्रकल्प, पूर्ण झाल्यावर सुमारे १५ अतिरिक्त गाड्या चालवण्यास सुलभ करेल, ज्यामुळे प्रवासी क्षमतेत लक्षणीय वाढ होईल. वार्षिक ५० दशलक्ष टन अतिरिक्त लोडिंग सुविधा प्रदान करेल. दरवर्षी सुमारे १५ कोटी लिटर डिझेलची बचत होईल. महाजेनको, रतन आणि इंडियाबुल्स सारख्या औष्णिक ऊर्जा प्रकल्पांना अखंडित कोळसा पुरवठा सुनिश्चित करेल.लॉजिस्टिक कार्यक्षमता वाढवणे, पुरवठा साखळी सुव्यवस्थित करणे आणि आर्थिक विकासाला गती मिळेल. तसेच पायाभूत सुविधांचा विकास: कॉरिडॉरवर लाइन क्षमता वाढवणे, गर्दी कमी करणे आणि परिचालन कार्यक्षमता सुधारेल. आर्थिक प्रभाव: रोजगार वाढवून, वाहतूक नेटवर्क वाढवून आणि लॉजिस्टिक खर्च कमी करून प्रादेशिक विकासास समर्थन देईल. पर्यावरणीय फायदे: रस्ते वाहतुकीवरील अवलंबित्व कमी करते, कार्बनडाय उत्सर्जन कमी करते आणि टिकाऊपणाच्या उद्दिष्टांना समर्थन देते. या परिषदेला मुंबई, नाशिक, भुसावळ, भोपाळ, जबलपूर आणि प्रयागराज येथील माध्यम प्रतिनिधी मोठ्या संख्येने उपस्थित होते.
दरम्यान याप्रसंगी भुसावळ डीआएम कार्यालयात मध्य रेल्वे महाप्रबंधक धर्मवीर मीना व मंडळ रेल्वे प्रबंधक श्रीमती इति पांडे, यांनीही माध्यमांशी संवाद साधला .
